میونخ نے سینٹ پاؤلی کو بنڈس لیگا کے پہلے درجے سے نکال دیا

جرمنی کی قومی فٹ بال چیمپئن شپ بنڈس لیگا کے رواں سیزن کے 33ویں میچ ڈے میں بائرن میونخ نے سینٹ پاؤلی کو ایک کے مقابلے میں آٹھ گولوں سے ہرا دیا ہے۔ اس شکست کے ساتھ ہی سینٹ پاؤلی لیگ کے پہلے درجے سے دوسرے درجے میں چلی گئی ہے۔ اس میچ کی خاص بات بائرن میونخ کے کھلاڑی ماریو Gomez کی ہیٹ ٹرک جبکہ Ribery اور Robben کے دو دو گول تھے۔ اس فتح کے ساتھ ہی بائرن میونخ کی ٹیم چیمپئنز لیگ کے کوالیفائنگ میچ کے لیےبھی اہل ہو گئی ہے۔ ہفتے کو لیورکوزن اور ہیمبرگ کے درمیان کھیلا جانے والا میچ ایک ایک گول سے برابر رہا۔