امریکہ نے اسامہ بن لادن کی ویڈیوز جاری کر دیں
امریکی محکمہ دفاع پینٹا گون نے پاکستانی شہر ایبٹ آباد میں دہشت گرد تنظیم القاعدہ کے سربراہ اسامہ بن لادن کے کمپاؤنڈ پر حملے کے دوران تحویل میں لی گئی پانچ ویڈیوز جاری کر دی ہیں۔ امریکہ کی جانب سے ہفتے کے روز جاری کردہ پانچ ویڈیوز میں سب سے اہم وہ ویڈیو ہے، جس میں اسامہ بن لادن ایک ٹی وی کے سامنے بیٹھا، اپنی ہی فوٹیج دیکھ رہا ہے۔ یہ ویڈیو چونکہ اسامہ بن لادن کے عقب سے بنائی گئی ہے، اس لیے اس میں بن لادن کا چہرہ جزوی طور پر ہی دیکھا جا سکتا ہے۔ تاہم جاری کردہ ویڈیوز بغیر آواز کے ہیں۔ امریکی محکمہ دفاع کا موقف ہے کہ آڈیو جاری نہ کرنے کی وجہ سکیورٹی خدشات ہیں۔ پینٹا گون کے مطابق اسامہ بن لادن ابھی تک اندازوں کے برخلاف القاعدہ کے لیے آپریشنل سطح پر رہنمائی کر رہا تھا
