جاپان میں ہزاروں افراد کا جوہری توانائی کے استعمال کے خلاف مظاہرہ

جاپان میں ایک مرتبہ پھر ہزاروں افراد نے جوہری توانائی کے استعمال کے خلاف مظاہرہ کیا ہے۔ جاپانی ریڈیو این ایچ کے’ NHK‘ کے مطابق احتجاج میں دس ہزار سے زائد افراد شریک تھے۔ مظاہرین توانائی کے استعمال کے حوالے سے حکومتی پالیسی میں فوری تبدیلی کا مطالبہ کر رہے تھے۔ متعدد احتجاجی بینرز پر درج تھا کہ جوہری توانائی اب پرانی ہو چکی ہے۔ جاپان میں آٹھ ہفتوں قبل آنے والے شدید زلزلے کے نتیجے میں رونما ہونے والے جوہری حادثے کے باوجود ٹوکیو حکومت جوہری توانائی کے استعمال کے حوالے سے اپنی پالیسی میں کسی قسم کی کوئی رد و بدل نہیں کرنا چاہتی۔ دوسری جانب انجینئرز فوکوشیما کے جوہری پلانٹ نمبر ایک میں داخل ہونے میں کامیاب ہو گئے ہیں۔