Crunt News

سےالکوٹ :ملک کے عظیم مفاد کیلئے اب ہمیں زندہ باد اور مردہ باد کی فرسودہ دھڑے بندیوں کی سیاست سے باہر نکل کر ملی اتحاد کی جانب گامزن ہونے کی اشد ضرورت ہے۔ ان خیالات کا اظہار پاکستان پیپلز پارٹی کی بانی رکن حکیم سید احمد صدیقی نے بات چیت کرتے ہوئے کیا۔ انہوں نے کہا کہ اب وطن عزیز جس دوراہے پر کھڑا ہے وہ ہمیں دستک دے رہا ہے کہ ہم ہر طرح کی فرقہ بندی اور گروہی سیاست سے نکل کر ایک ملت کی صورت اختیار کرکے دشمنان وطن کے خلاف سیسہ پلائی ہوئی دیوار بن کھڑے ہو جائیں۔ (بےورورپورٹ)

سےالکوٹ :ڈسٹرکٹ اینڈ سیشن جج سیالکوٹ سید حامد حسین شاہ نے کاپی کلرک ڈسٹرکٹ سیشن کورٹ عامر شہزاد کو ایڈیشنل سیشن جج سیالکوٹ صبح صادق خان کا کاپی کلرک، ایڈیشنل سیشن جج سیالکوٹ صبح صادق خان کے کاپی کلرک عمران علی کو ڈسٹرکٹ سیشن کورٹ کا کاپی کلرک ،ایڈیشنل سیشن جج سیالکوٹ میاں فیض محمد کے کاپی کلرک بابر علی کو ایڈیشنل سیشن جج سیالکوٹ شیراز کیانی کا کاپی کلرک، ایڈیشنل سیشن جج سیالکوٹ شیراز کیانی کے کاپی کلرک مصدق صدیقی کو ایڈیشنل سیشن جج سیالکوٹ تنویر احمد شیخ کا کاپی کلرک، ایڈیشنل سیشن جج تنویر احمد شیخ کے کاپی کلرک سیف اللہ کو ایڈیشنل سیشن جج سیالکوٹ میاں فیض محمد کا کاپی کلرک،ایڈیشنل سیشن جج سیالکوٹ طارق محمود اقبال خان کورٹ کے کاپی کلرک محمد فیصل کو ایڈیشنل سیشن جج سیالکوٹ شاھد رفیق شیخ کورٹ کا کاپی کلرک، ایڈیشنل سیشن جج شاھد رفیق شیخ کورٹ کے کاپی کلرک محمد ریاض کو ایڈیشنل سیشن جج سیالکوٹ طارق محمود اقبال خان کورٹ کا کاپی کلرک،ایڈیشنل سیشن جج سید نجم الحسن کورٹ کے کاپی کلرک ملک مقبول احمدکو ایڈیشنل سیشن جج سیالکوٹ شکیل احمد کورٹ کا کاپی کلرک، ایڈیشنل سیشن جج سیالکوٹ شکیل احمد کورٹ کے کاپی کلرک سید سخاوت شاہ کو ایڈیشنل سیشن سیالکوٹ جج سید نجم الحسن کورٹ کا کاپی کلرک، ایڈیشنل سیشن جج ڈسکہ ظفر اقبال چوہدری کے کاپی کلرک عمیر جعفر کو ایڈیشنل سیشن جج ڈسکہ خواجہ محمد ظفر اقبال کورٹ کا کاپی کلرک، ایڈیشنل سیشن جج ڈسکہ خواجہ محمد ظفر اقبال کورٹ کے کاپی کلرک الطاف رضا کو ایڈیشنل سیشن جج ڈسکہ ظفر اقبال چوہدری کا کاپی کلرک، ایڈیشنل سیشن جج 1-ڈسکہ آفس کے کاپی کلرک زوہیب سرور کو ایڈیشنل سیشن جج ڈسکہ مہر محمد یوسف کا کاپی کلرک، ایڈیشنل سیشن جج ڈسکہ مہر محمد یوسف کے کاپی کلرک آفتاب الحسن کو ایڈیشنل سیشن جج 1-ڈسکہ آفس کا کاپی کلرک مقرر کیا ہے۔ (بےورورپورٹ)

سےالکوٹ :اسلامی جمعیت طلبہ سیالکوٹ کے ناظم زوار خان، حافظ وسیم، علی جان اور مبشر احمد نے کہا ہے کہ ملک کے باشعور طبقے کی سیرت و کردار کو نکھار کر ہی اسلامی انقلاب کی راہ ہموار کی جا سکتی ہے۔ طاغوتی طاقتوں کے پشت پناہ ہمارے ہر حکمران نے طلبہ کو اپنے مزموم مقاصد کی راہ میں رکاوٹ سمجھا ہے۔ ملک میں بڑھتی ہوئی پرائیویٹائزیشن اور میرٹ کے قتل عام، سیلف فنانس نے معصوم اور غریب طلبہ کے چہرے سے ہنسی چھین لی ہے۔ انہوں نے حکومت سے مطالبہ کیا ہے کہ پرائیویٹائزیشن کے بڑھتے ہوئے طافان کو جلد از جلد روکا جائے۔ (بےورورپورٹ)

سےالکوٹ :پولیس نے دلچیکے میں چھاپہ مار کر پانچ جواریوں کو رقم ٹکڑی اور تاش سمیت گرفتار کر لیا۔ تفصیلات کے مطابق تھانہ اگوکی کے گاؤں دلچیکے میں وارث وغیرہ پانچ جواری تاش کے ذریعے جواء کھیل رہے تھے کہ پولیس نے مخبری ہونے پر چھاپہ مار کر تمام جواریوں کو گرفتار کر کے داؤ پر لگی ہوئی سینکڑوں روپے کی نقدی اور تاش قبضہ میں لے کر ملزموں کے خلاف مقدمہ درج کر لیا ہے۔ (بےورورپورٹ)

سےالکوٹ :موضع بدیاں میں پانچ ملزمان بیس سالہ لڑکی کو اغواء کر کے لے گئے۔ بتایا گیا ہے کہ فلک شیر اور اسکے چار ساتھی ایک محنت کش رزاق کی بیس سالہ بیٹی ص بی بی کو زبردستی اغواء کر کے نامعلوم مقام پر لے گئے ہیں۔ کوٹلی لوہاراں پولیس نے مقدمہ درج کر کے مغویہ کی تلاش شروع کردی ہے۔ (بےورورپورٹ)

سےالکوٹ :لڑائی جھگڑوں کے دو مختلف واقعات میں دو افراد کو زخمی کر دیا گیا۔ تفصیلات کے مطابق تھانہ بیگووالہ کے علاقہ کوٹلی کھوکھراں میں سواریاں بٹھانے کے تنازعہ پر اسحاق شاہ نے آہنی راڈ کے وار کر کے منور کو لہولہان کر دیا۔ تھانہ موترہ کے گاؤں ترگا میں نامعلوم وجوہات پر طارق وغیرہ سات ملزموں نے سریوں اور پستول کے بٹ مار مار کر منور کو شدید مضروب کر دیا ہے۔ پولیس نے زخمیوں کو ہسپتال داخل کروا کر ملزموں کے خلاف مقدمات درج کر لئے ہیں۔ (بےورورپورٹ)

سےالکوٹ :حاجی پورہ پولیس نےاسسٹنٹ منیجر گیپکو کی درخواست پر بجلی چوری کرنے والے کے خلاف مقدمہ درج کر لیا۔ بتایا گیا ہے کہ میانہ پورہ میں گیپکو حکام نے دوران شہبان علی کو بجلی چوری کرتے ہوئے رنگے ہاتھوں پکڑ تھا۔ (بےورورپورٹ)

سےالکوٹ :چوری کی پانچ وارداتوں میں کار، موٹر سائیکل، نقدی ، طلائی زیورات وغیرہ لے کر ملزم فرار ہو گئے۔ تفصیلات کے مطابق تھانہ مراد پور کے علاقہ ڈیفنس روڈ پر میرج ہال پر شادی کی تقریب میں شرکت کیلئے ہوئی لیفٹنٹ کرنل شفقات احمد کی بیوی سے پرس چوری کر لیا گیا۔ بتایا گیا ہے کہ پرس میں ڈیڑھ لاکھ روپے مالیت کے طلائی زیورات، ہزاروں روپے کی نقدی اور موبائل فون تھا۔ حاجی پورہ کے علاقہ نشاط میرج ہال کے قریب سے چورایک شہری نجم عثمان کی لاکھوں روپے مالیت کی سوزوکی مہران کار نمبری LZO-9436چوری کے لے گئے۔ تھانہ سول لائن کے علاقہ نورپورہ میں افضل نے اپنی موٹر سائیکل نمبری STK-1554 کھڑی کی جسے چور چوری کر کے لے گئے۔ تھانہ صدر سیالکوٹ کے موضع کاکیوالی میں کاشف کی حویلی کے احاطہ سے غفور وغیرہ سات ملزموں پانچ ہزار اینٹیں اور دیگر تعمیراتی سامان چرا کر لے گئے۔ تھانہ اگوکی کے قصبہ اگوکی میں عباس کے سوئی گیس کے دو میٹر چور اتار کر لے گئے۔ پولیس نے مقدمات درج کر کے کارروائی شروع کر دی ہے۔ (بےورورپورٹ)

سےالکوٹ :سرحدی گاؤں راجہ ہرپال میں بغیر اجازت درخت چوری کاٹنے پر صدر سیالکوٹ پولیس نے ڈی ایس پی رینجرز کی رپورٹ مقدمہ درج کر لیا۔ پولیس رپورٹ کے مطابق ذوالفقار نے بغیر اجازت درخت کاٹے تھے ۔ (بےورورپورٹ)

سےالکوٹ :موضع وڈالہ سندھواں میں اوباش شخص نے صفیہ بی بی سے زیادتی کر ڈالی۔ بتایا گیا ہے کہ تھانہ ستراہ کے گاؤں وڈالہ سندھواں میں اکبر نامی ایک اوباش شخص نے اپنے ہی گاؤں کی صفیہ بی بی سے زبردستی زیادتی کر ڈالی ۔ پولیس نے مقدمہ درج کر کے کارروائی شروع کر دی ہے۔ علاوہ ازیں تھانہ کینٹ کے گاؤں بھوتھ میں درندہ صفت اعظم گاؤں ہی کی مسماۃ نورین رضا کے بیٹے کو ورغلاء کر لے گیا اور اسے اپنی حوس کو نشانہ بنا ڈالا۔ (بےورورپورٹ)

سےالکوٹ :بات نہ ماننے پر پانچ ملزموںنے کاشتکار کو اغواء کر کے لے گئے۔ تفصیلات کے مطابق تھانہ بیگووالہ کے گاؤں کوٹلی کھوکھراں میں مبارک علی کا بیٹا وارث علی کھیت میں ہل چلا رہا تھا کہ محمد بوٹا وغیرہ پانچ افرادنے اسے اپنے کھیت میں ہل چلانے کا کہا۔ بات نہ ماننے پر محمد بوٹا وغیرہ کو زبردستی اغواء کر کے نامعلوم مقام پر لے گئے۔ پولیس نے ملزموںکے خلاف مقدمہ درج کر کے مغویہ کی تلاش شروع کر دی ہے۔ (بےورورپورٹ)

سےالکوٹ :جائیداد کے تنازعہ پر غنڈوں نے بزرگ صحافی کے گھر پر حملہ کر دیا اور سنگین نتائج کی دھمکیاں دیں۔ بتایا گیا ہے کہ سینئر صحافی ارشد احسان الٰہی کا شاھد نامی شخص سے جائیداد کا مقدمہ عدالت میں زیر سماعت ہے۔ لیکن گزشتہ روز چند غنڈے کے گھر آئے اور اسے اور اسکے بچوں کو وغواء کرکے قتل کی دھمکیاں دینے کے بعد فرار ہو گئے۔ ارشد احسان الٰہی کی درخواست پر حاجی پولیس نے کارروائی شروع کر دی ہے۔ (بےورورپورٹ)

سےالکوٹ :نیشنل لیبر فرنٹ کے مرکزی راہنما جی ایم میر نے کہا ہے کہ دنیا کے ایک ارب 25کروڑ مسلمانوں کو اقوام متحدہ کی دوہری پالیسی کی وجہ سے الگ ادارہ مسلم ممالک متحدہ بنانا ہوگا ۔انہوںنے مزیدکہا کہ مقبوضہ کشمیر میں دراندازی کا الزام لگا کر بھارتی افواج نے دہشت گردی کابازارگرم کررکھا ہے لیکن اقوام متحدہ ، امریکہ سمیت دنیا خاموش ہے ۔ان خیالات کا اظہار انہوں نے حاجی غلام احمد جراح میموریل سوسائٹی کے زیر اہتمام مہاجرین جموں وکشمیر کی ایک تقریب سے خطاب کرتے ہوئے کیا ۔ تقریب سے ڈاکٹر ارشد قیوم ،عبدالوحید بخاری ، عامر ظہور ، انور اعجاز ، محمد رمضان ، شیو کمار ، قرشید اقبال ، ظفر ملک ، احسن انور اور شیراز ارشد نے بھی خطاب کیا ۔ جی ایم میر نے کہا کہ مقبوضہ کشمیر میں آزادی کا سورج طلوع ہونے تک کشمیریوں کی جدوجہد جاری رہے گی ۔انہوں نے مزید کہا کہ مقبوضہ کشمیر میں سات لاکھ بھارتی افواج کی موجودگی کے باوجو د نہتے کشمیریوں نے آزادی کی تحریک شروع کررکھی ہے اور آزادی کی تحریک منزل کے اب قریب پہنچ چکی ہے ۔ انہوں نے کہا کہ مقبوضہ کشمیر میں کشمیریوں کی جدوجہد آزادی کو کچلنے کیلئے کشمیریوں کی نسل کشی کی جارہی ہے اور اب تک ایک لاکھ سے زائد کشمیریوں کو شہید کیا جاچکا ہے جبکہ ہزاروں املا ک کو جلانے ، مساجد کی بے حرمتی اور کشمیری عورتوں کی بے حرمتی کی گئی ہے ۔ جس کی جتنی بھی مذمت کی جائے کم ہے ۔ جی ایم میر نے مزید کہا کہ بھارت کا خیال ہے کہ کشمیری جلد ہی تھک جائیں گے اور آزادی کی تحریک ختم ہوجائے گی لیکن یہ بھارت کی خام خیالی ہے کیونکہ کشمیری عوام بھارتی تسلط سے آزادی کیلئے اپنے خون کا آخرہ قطرہ بھی بہادیں گے ۔( بےورورپورٹ)

سےالکوٹ :کشمیر روڈ پر معروف ہوٹل کی چھت سے گر کرسیکورٹی گارڈ ہلاک ہوگیا ۔عینی شاہدین کا کہنا ہے کہ 43سالہ سیکورٹی گارڈ اتوار کے روز ڈیوٹی کے دوران مالکان کے کہنے پر چھت پر گیاجہاں چھت سے نیچے دیکھتے ہوئے اچانک پھسل جانے سے وہ نیچے گرکر شدید زخمی ہوگیا اور موقعہ پر ہی زخموں کی تاب نہ لاکردم توڑ گیا ۔ متوفی انتہائی غریب گھرانے سے تعلق رکھتا تھااور اپنے اہل وعیال کا واحد سہارا تھا ۔پولیس نے ضروری کاروائی کے بعد متوفی کی موت کو اتفاقی حادثہ قراردے کر نعش ورثاء کے حوالے کردی ہے ۔( بےورورپورٹ)

سےالکوٹ :فتح گڑھ میں شہری کا تین سالہ بیٹا پانی کے ٹب میں نہاتے ہوئے ڈوب کر ہلاک ہوگیا ۔بتایا گیا ہے کہ سیالکوٹ میں روزگار کے سلسلہ میںمقیم ضلع منڈی بہاؤالدین کا رہائشی ارشد علی اپنے بیوی بچوں کے ہمراہ فتح گڑھ میں کرائے کے مکان میں مقیم تھا جہاں اتوار کے روز اس کا تین سالہ بیٹا شہر وز پانی کے ٹب میں نہارہا تھا جوکہ کھیلتے ہوئے شہروز پانی کے ٹب میں ڈوب کر ہلاک ہوگیا جس کی نعش کو اس کے ورثاء آبائی قبرستان میں سپردخاک کرنے کیلئے منڈی بہاؤالدین لے گئے ۔( بےورورپورٹ)