سیالکوٹ:غفلت میں ڈوبی قوم کو حکیم الامت علامہ ڈاکٹر محمد اقبالؒ نے اپنی مفکرانہ شاعری کے ذریعے جگایااور برِصغیر کے مسلمانوں کو آزادی کا پیغام سنایا۔ان خیالات کا اظہار دِی سٹی سکول گرلزکیمپس کی پرنسپل مس صوفیہ اسحاق نے ''شاعرِمشرق کے پیغام آزادی'' کے موضوع پر انٹر ہاؤس ٹیبلو کمیٹیشن کے تقریب سے خطاب کرتے ہوئے کیا۔ انہوں نے کہا علامہ اقبال ہی وہ شخصیت ہیں جنہوں نے قائد اعظم محمد علی جناح کو اس بات پر آمادہ کیا کے وہ مسلم لیگ میں شامل ہوکر مسلمانوں کیلئے علیحیدہ مملکت کیلئے جدوجہد کریں۔ا س موقع پر چاروں ہاؤسس نے علامہ اقبال کی مفکرانہ سوچ کو ٹیبلو کے ذریعے پیش کیا۔ اس موقع پر اساتذہ،والدین اور طالبات نے بڑی تعداد میں شرکت کی ۔دوران ٹیبلو شو میںملی نغمیں سمیت بچوں کیلئے لکھی ہوئی علامہ اقبال کی دعا بھی پرفارم کی گئی۔آخر میں مس صوفیہ اسحاق نے اول پوزیشن حاصل کرنے والے ییلو ہاؤ س کو وِنر ٹرافی اوربلیو ہاؤس کو رنر اَپ ٹرافی اور تعریفی اسناد سے نوزا گیا۔(بےورورپورٹ)